ذكرياتي في كرمكول كتيييره لمات المناسبات ولمات عيد الضحيه مع الاهل وبرامجنا طول اليوم والناس بتكون مبسوووطه شديد لانو كرمكول كقريه فيها راحه نفسيه وهواها غيير وناسا طيبين وبشوشين بنقضي 5 ايام بالكتير ولكن بتكون محفوره في الذاكره وبتفضل من الذكريات الجميله لينا… وأهم شي لازم نعملها انو نكتب ذكريات في حيطه بيت العمده التحت… العيد واللمه في كرمكول ليها طعم خاص بالنسبه لي ولمه شاي المغرب بالقرقوش في الحوش بتمنى شديد انو زيارتنا لي كرمكول تكون ثابته سنويا وفي وقت تقدر كل الناس تجي وتتلمي فيهو مع بعض… والناس تجتهد مع بعض في انو تعمل أماكن ترفيهيه في المنطقه زي حديقه مصغره للأطفال.. وزي البيت النوبي الاتعمل في المهرجان يكون في واحد ثابت ويبقى ملتقى ترفيهي لناس المنطقه عامه لانو تصميم البيت النوبي جميييل جدا ومريييح وبشبه المنطقه ️يتذكر ايام المهرجان اي زول كان بعرف اننا من المنطقه كان بقول لينا بختكم بكرمكول ️كل الناس الما منها كان انطباعهم جميل جدا عنها وكانو مبسوطين بيها شديييد
كرمكووول الحب ♥
